baazizo مشرف
عدد المساهمات : 185 نقاط : 274 تاريخ التسجيل : 15/11/2010 العمر : 33 الموقع : www.e-monsite.baazizo.com
| موضوع: سيحااان الله مول النية يغلب الثلاثاء 08 فبراير 2011, 05:50 | |
|
يحكى أنه كانت امرأة صالحة ونجيمة ، يقولو لها لالة حليمة، رزينة سديدة القول وحكيمة ، ورثات عن
باها واحد البهيمة ، رباتها وعنات بيها عناية عظيمة ، واحد النهار جارتها خدوج اللئيمة ، المعروفة بالغدر الغيبة
والنميمة ،
خمت من الحقد ألف تخميمة ، فكرت أنها تسمم لجارتها البهيمة ، باش تقهرها وترجعها بالحسرة سقيمة ، وهكذا
قررت
تنفد اللي فبالها فليلة من ليالي الربيع النسيمة ...خلطت العلف بلا ماجارتها تدري بعشبة فتاكة فالسم
عظيمة ...جابت
العلف لجارتها حليمة ، وفخاطرها تقول شحال نية هاد الجارة وشحال غشيمة...بالبسمة والقلب الصافي استقبلتها
حليمة
وقالت ربي اللي يجازيك على قد نيتك وفعايلك العظيمة... العلف اللي جدتي بيه على ديك البهيمة ، قدام الزريبة
خليه
بينما كنستها يا جارتي الكريمة....لكن وسبحان العالي مول الحكمة العميمة...فرمش البصر بهايم خدوج اللئيمة
قطعو
وهربو من وثاقهم من زريبتهم القديمة ....وقصدو باب زريبة المرأة الصالحة حليمة ، مابان ليهم غير العلف
وريحتو النسيمة ...
تقدمو ليه وبدا العلف من بهيمة لبهيمة ....وما هي الا دقائق بهايم خدوج اللئيمة تسمو وسقطو كي الحيطان
الهديمة ...خدوج طار عقلها وفساعة تحولات مقامها من سيدة لخديمة.... تجري حافية فالتربة وتصيح مول النية
يغلب
وربحتيني يا حليمة ، الغدر حبالو قصيرة ووجوه الغدر مهما تجملات تبقى فالاصل دميمة ... وحليمة بالنية ربحات
ماضربها
مقص ولا خمات ربع تخميمة | |
|
المغاري ياسين عضو نشيط
عدد المساهمات : 54 نقاط : 79 تاريخ التسجيل : 07/12/2010 العمر : 32
| موضوع: رد: سيحااان الله مول النية يغلب الجمعة 11 فبراير 2011, 03:29 | |
| شكرا اخي ياسين.........مزيونة هاد الحجاية | |
|